2 красавіка супрацоўнікі ЦСАН Карэліцкага раёна і прадстаўнікі сярэбранага ўзросту адправіліся ў невялікае велападарожжа вакол гарпасёлка ў гонар Дня яднання народаў Беларусі і Расіі. Стартавай кропкай прабегу стаў мемарыяльны комплекс “Зорка”, дзе велатурысты ўсклалі кветкі ў гонар загінулых землякоў.
— Беларусы і расіяне актыўна супрацоўнічаюць у рамках Саюзнай дзяржавы, і мы ганарымся нашымі добрымі братэрскімі адносінамі. Мы з радасцю адначаем Дзень яднання народаў Беларусі і Расіі, — адзначыла псіхолаг Карэліцкага ЦСАН Алена Акулік.